Sisimulan na ang pagpapa-ikli ng kalsada sa provincial roads ng Lungsod ng Dasmariñas katulad ng Congressional Avenue at Gov. Mangubat Avenue dahil sa sobrang lapad ng mga kalsadang ito, ayon kay Mayora Ivy Aguas.

Layunin ng makabuluhang proyektong ito ang magkaroon ng traffic congestion sa mga lugar na ito para “ma-experience” naman ng mga motorista ang ma-traffic sapagkat kilala ang Dasmariñas sa mala-express way na lapad ng daan nito.

Sisimulan ang makasaysayang pagbubungkal ng kalsada ngayong unang araw ng Abril at magtatapos sa taong 2032 dahil sa inaasahang delay ng proyektong ito kung saan ipapasa na ni Mayora Ivy Aguas ang kaniyang korona sa pagka-alkalde sa kaniyang anak na si Lily Aguas na kasalukuyang nasa Junior High School pa lamang.

Kasabay ng road “narrowing” na proyekto ng lokal na pamahalaan ang pag-wa-widen ng center islands at pagtatayo ng mini-gubat para sa extension ng kabigha-bighaning Dasmariñas Park. Nais din ng Dasmariñas Mayor na magtayo ng karagdagang iskulptura sa center island tulad ng Black Panther bilang pagkilala sa kaniyang favorite superhero na si T’Challa.

Asahan ang pagbabahay-bahay ng mga opisyal ng gobyerno na naka-disguise bilang basketball player upang mag-solicit ng pondo para sa road narrowing at island beautification.

Ang Dasma ang unang lungsod na magbabawas ng kalsada sa buong kasaysayan ng Pilipinas.

(Pinaabot ng Heraldoge ang aming malugod na pagbati para sa kahanga-hangang proyekto ni Mayora Ivy Aguas.  

Paalala: Ang artikulong ito ay hindi bayad ni Mayora)